Թուրքիայի Բինգյոլի Քըղի շրջանում ոչնչացնում են 1800-ականներին կառուցված պատմական կոթողները։ Շրջանի Էսքիքավաք գյուղում (Արեգ) գտնվող Սուրբ Հովհաննես եկեղեցին սպասում է վերակառուցման օրվան, գրում է «Հայ Թերթ» կայքը՝ թուրքական «Ռադիկալին» հղումով։

Բինգյոլի պատմական կառույցները մեկ առ մեկ ոչնչանում են։ Շրջանի հարյուրավոր շինություններ մնացել են բնության արհավիրքներին և հնությունների կողոպտիչներին դեմ հանդիման։

Առաջին համաշխարհային պատերազմից առաջ Քըղիում հայերին պատկանող 45 եկեղեցիներից մեկն է Արեգ գյուղի Սուրբ Հովհաննես եկեղեցին, որն այժմ բախտի քմահաճույքին է թողնված։

1800-ականներին կառուցված հայկական եկեղեցին, չնայած վատ պայմաններին, կանգուն է մնացել մինչև մեր օրերը։ Առաջին աշխարհամարտի տարիներին գյուղում բնակվող 170 ընտանիքների 1.165 անդամներին ծառայող Սուրբ Հովհաննես եկեղեցին, սակայն, վերակառուցման կարիք ունի։

Բինգյոլում էլ պատմական կոթողները վերանում են մեկ առ մեկ։ Հռոմեական, ուրարտական և այլ քաղաքակրթություններին պատկանող հնություններին նաև գանձեր որոնողներն են վնասում։
 

Քըղիում ևս նրանք հաճախ են լինում, իսկ հայտնաբերված հնությունները վաճառվում են ապօրինի ճանապարհով։
 

Առաջին համաշխարհային պատերազմի տարիներին Քըղիում առկա 44 եկեղեցիները (չհաշված Արեգը) ու 5 մենաստաններ, ենթադրաբար, վերացել են, նշում է աղբյուրը։
 
Աղբյուրը`http://www.tert.am/am/news/2013/05/24/areg/ 

http://oratert.do.am