13:50 Վաղը շուրջ 30 հազար շրջանավարտ կավարտի ավագ դպրոցը | |
Այս տարի հանրապետության ավագ դպրոցները կավարտեն 30 հազար շրջանավարտներ: Վաղը դպրոցներում հնչելու է վերջին զանգը և ավարտվելու է ուսումնական տարին: Այսօր լրագրողների հետ հանդիպմանը ԿԳՆ հանրակրթության վարչության պետ Նարինե Հովհաննիսյանը, շնորհավորելով շրջանավարտներին, ասաց, որ վաղվա համար պատշաճ կերպով կազմակերպվել են բոլոր միջոցառումները, որպեսզի վերջին զանգն անցնի առանց միջադեպերի. «Անցյալ ուսումնական տարում մենք չունեցանք խնդիրներ և հուսով եմ, որ այս տարի ևս խնդիր չի լինի: Առավոտից ոստիկանության աշխատակիցների ուշադրության կենտրոնում են լինելու շրջանավարտները, հսկումները կլինեն ինչպես մայրաքաղաքում, այնպես էլ մարզերում»: Նա շեշտեց, որ կլինեն բազմաբնույթ միջոցառումներ, հանդիսության հարցում դպրոցներն ազատ են, իսկ երեկոյան կարող են գալ Ազատության հրապարակ և մասնակցել շրջանավարտներին նվիրված միջոցառմանը, որը կազմակերպվել է ԿԳՆ-ի և քաղաքապետարանի կողմից: Բանախոն ասաց, որ վերջին զանգից հետո հունիսի 1-20-ը կանցկացվեն փոխադրական և ավարտական քննություններ՝ չորրորդ, իններորդ և տասներկուերորդ դասարանցիների համար: Հարցին, թե տասներկուերորդ դասարանցիները պարապո՞ւմ են կրկնուսույցների մոտ, տիկին Հովհաննիսյանը պատասխանեց, որ այդ հարցում դեռևս խնդիր ունենք. «Երբ երեխաները լրացուցիչ պարապմունքների են գնում, բաց են թողնում դպրոցական ուսումը: Մենք անելու ենք ամեն ինչ, որպեսզի բացակայությունների հետ կապված խնդիր չունենանք»: Նշենք, որ այժմ Հայաստանում կա 107 ավագ դպրոց, որից 37-ը՝ Երևանում: Աղբյուրը`http://www.1in.am/arm/armenia_society_185950.html http://oratert.do.am | |
|
Մեկնաբանություններն ընդամենը՝: 0 | |