09:54 Թուրք ցուցարարները փորձել են գրավել իշխող կուսակցության գրասենյակը | |
Թուրքական Իզմիթ նահանգում ցուցարարների մոտ 500 հոգանոց մի խումբ փորձել է գրավել երկրի իշխող «Արդարություն և զարգացում» կուսակցության շենքը. տեղեկացնում է թուրքական «Ռադիկալը։
Համաձայն հաղորդագրության՝ տեղի ոստիկանությունը ցրել է ցուցարարներին։ Ձերբակալվել է մոտ 50 մարդ։
Թուրքիայի տարբեր քաղաքներում ցույցեր են տեղի ունենում՝ ընդդեմ Ստամբուլի կենտրոնում գտնվող Թաքսիմ հրապարակին կից Գեզի այգին հատելու որոշման։
Չնայած երեկ ոստիկանությունն արցունքաբեր գազ և ջրի շիթեր էր կիրառել Թաքսիմում հավաքված ցուցարարներին ցրելու համար, այս պահին էլ այնտեղ լարված մթնոլորտ է։
Ցուցարարները արգելապատնեշներ են դրել Իսթիքլալ փողոցում և քարեր են նետել ոստիկանների ուղղությամբ։
Ստամբուլի նահանգապես Հուսեյին Ավնի Մութլուն տեղեկացրել է, որ տուժել է 12 մարդ, ձերբակալվել է 63 մարդ։ | |
|
Մեկնաբանություններն ընդամենը՝: 0 | |