Իզմիր քաղաքում գիշերը հավաքված մի խումբ անհայտ անձինք մոլոտովյան կոկտեյլ և քարեր են նետել իշխող «Արդարություն և զարգացում» կուսակցության շենքի վրա և հրկիզել այն։

Ինչպես տեղեկացնում է թուրքական Sabah-ը, հրդեհը մարվել է հրշեջների միջամտությամբ։

Իզմիրում վերջին 3 օրերի ընթացքում ձերբակալվել է 368 մարդ, վիրավորվել է 32 ոստիկան, որոնցից մեկի վիճակը ծանր է։
 

Տեղեկություններ են տարածվել բախումների հետևանքով գրանցված երկրորդ զոհի մասին։
 

Լրատվամիջոցների տեղեկություններով՝ 22-ամյա Աբդուլլահ Ջոմերթը մահացել է թուրքական Հաթայ նահանգում, հրազենային վնասվածքից։

«Աբդուլլահ Ջոմերթը ծանր վիրավորվել էր հրազենային կրակից, որն արձակվել էր անհայտ անձի կողմից»,-տեղեկացրել են լրատվամիջոցները։

Ավելի վաղ հաղորդվել էր ևս մի երիտասարդի մահվան մասին։ Նա վիրավորվել էր կիրակի, երբ տաքսին մտել էր Ստամբուլում ցուցարար ամբոխի մեջ։

Ընդհանուր առմամբ, CNN turk հեռուստաընկերության տվյալներով՝ Թուրքիայում անկարգությունների հետևանքով տուժել է 3.195 մարդ, նրանցից 25-ի վիճակը գնահատվում է ծանր։

Աղբյուրը`http://www.tert.am/am/news/2013/06/04/turkey-izmir/