Թուրքիայի Ստամբուլ քաղաքում Գեզի այգու առնչությամբ բնապահպանների բողոքի ցույցը ազգայնականների համար կայծ դարձավ դուրս գալու վարչապետ Ռեջեփ Թայիփ Էրդողանի դեմ: Այսօր լրագրողների հետ հանդիպմանն այս մասին ասաց թուրքագետ Արտակ Շաքարյանը և տեղեկացրեց, որ Թուրքիայի վարչապետը ցանկանում է նշված վայրում մզկիթ կառուցել: Թուրքագետն ընդգծեց, որ այսօր այգում, որը հայերի գերեզմանոցն է եղել, վարչապետի դեմ պայքարում են աջերը, ձախերը, միասեռականները: Այսօր այգում են ֆուտբոլասերները, ովքեր նույնպես հայտնի են որպես ազգայնականներ և ագրեսիվ տեսակ են: Սա մտահոգիչ է հայերիս համար, քանի որ Էրդողանը կարող է օգտվել առիթից ու շարժումը շեղել հայերի, հույների ու հրեաների ուղղությամբ: Կարող են ուղղորդել որպեսզի քանդեն ու թալանեն այդ ազգային փոքրամասնությունների խանութներն ու տիրանան ունեցվածքին,- ասաց նա:
Արտակ Շաքարյանը նշեց, որ եթե շարժումը շարունակի զարգանալ, հնարավոր է որ Էրդողանը հրաժարվի նախագահական իր ամբիցիաներից ու նախագահ Գյուլը ստանա ավելի մեծ լիազորություն և ներկլանային բախման մեջ առաջ անցնի վարչապետից:
Բայց միաժամանակ Էրդողանը գիտի, որ իր ձայներն աճել են իսլամիստների շնորհիվ, որոնք այսօր փողոցում չեն: Նա վստահ է, որ փողոց կարող է հանել միլիոնից ավելի մարդկանց: Կարծում եմ Էրդողանը ազդեցիկ է և հեղաշրջում չի լինի, բայց հնարավոր է էրդողանը փորձի հետ քայլ ու որոշ վերադասավորումներ անել,- ասաց նա:
Թուրքիայում գլուխ բարձրացրած շարժումը Արտակ Շաքարյանը դիտարկեց նաև հայերի տեսանկյունից: Նա նշեց, որ որքան Թուրքիան զբաղված լինի ներքին խնդիրներով, ավելի քիչ ժամանակ կունենա զբաղվելու արտաքին հարցերով՝ ԼՂ խնդրով, Հայոց ցեղասպանության հակածրագրերով:
Ինչպես նաև որքան էլ լավն էր Էրդողանը հայերի համար, բայց բռնակալը չափերն անցնում էր,- ասաց նա:
Ինչ վերաբերում է արտաքին ուժերի ազդեցությանը, Արտակ Շաքարյանը գրեթե բացառեց. «Օտար ձեռագիր չեմ տեսնում: Կարող է այսօր փորձեն աջակցել արտաքին ուժերը, բայց ծագումը, կարծում եմ, զուտ թուրքական է:
Աղբյուրը`http://www.tert.am/am/news/2013/06/04/artak-shaqaryan/
http://oratert.do.am
|