Տեղեկություններն այն մասին, որ Սիրիան արդեն ստացել է մինչ այդ երկրում քաղաքացիական պատերազմը կնքված պայմանագրով նախատեսված ռուսական С-300 զենիթահրթիռային համակարգերի առաջին խմբաքանակը, չեն հաստատվել։

Ինչպես գրում է «Վեդոմոստին՝ վկայակոչելով ՌԴ ռազմական արդյունաբերության իր աղբյուրին, ԶՀՀ-ները Սիրիա չեն հասել և անհայտ է՝ կհասնե՞ն 2013-ին։

Իսկ «Կոմերսանտ թերթի աղբյուրը, որը մոտ է ռազմատեխնիկական համագործակցության համակարգին, հայտնել է, որ С-300 6 համալիրների մատակարարումը նախատեսված է 2014-ի երկրորդ եռամսյակում։
 

Զրուցակիցը նաև հայտնել է, որ դեռ կես տարի էլ կպահանջվի սիրիական կողմին այդ համակարգերից օգտվել սովորեցնելու և հրթիռների փորձարկման համար։

Պաշտոնատար անձինք մատակարարման ժամկետներ չեն նշում՝ միայն ընդգծելով, որ Ռուսաստանը մտադիր չէ հրաժարվել ստանձնած պարտավորություններից։

Սիրիայի նախագահ Բաշար ալ-Ասադը հինգշաբթի հարցազրույց էր տվել լիբանանյան «Ալ-Մանար» հեռուստաալիքին, որտեղ հաստատել էր տեղեկությունը, որ Սիրիա է հասել ԶՀՀ-ների առաջին խմբաքանակը։

Այս համակարգերի մատակարարմանը դեմ է ԱՄՆ-ն և Իսրայելը։ Միևնույն ժամանակ ՌԴ-ն և ԱՄՆ-ն շարունակում են պատրաստվել Ժնևում կայանալիք համաժողովին։

Աղբյուրը`http://www.tert.am/am/news/2013/05/31/c-300-russia/

http://oratert.do.am