19:57 Ոստիկաններն ամբողջ գիշեր գոմիկներին դեժուռնի են կանգնում, էլ մե՞նք ինչ անենք. Կոմայգու ցերեկային այցելուների բողոքը | |
Երևանի կենտրոնում գտնվող Կոմիտասի անվան մանկական զբոսայգու (Կոմայգի) ցերեկային այցելուները, որոնք հիմնականում տարեցներ են, երիտասարդներ, կանայք և երեխաներ, Tert.am-ի հետ զրույցում բողոքելով այգում մարմնավաճառությամբ զբաղվող միասեռականներից՝ չեն թաքցնում իրենց զայրույթն առ այն, որ իրավապահ մարմիններն ու իշխանությունները ոչինչ չեն անում նրանց այգուց վտարելու համար:
«Ոստիկաններն ամբողջ գիշեր գոմիկներին դեժուռնի են կանգնում, էլ մե՞նք ինչ անենք»,-Tert.am-ի հետ զրույցում ասաց մի տարեց քաղաքացի, որն առավոտյան ժամերին այգում իր ընկերների հետ մշտապես նարդի է խաղում: Քաղաքացին, սակայն, չցանկացավ ներկայանալ՝ նշելով, որ իրեն կարող են «վերևներից» վնասել:
Մեզ հետ զրույցում այգու տնօրեն Արտուշ Դավթյանն էլ ասաց, որ միասեռականներին պատժելու համար ոստիկաններն էլ օրենք են պահանջում: «Ասում են՝ օրենք տու, պատժեմ, ի՞նչ կարող եմ ես անել, չկա կարգ, որը նրանց արգելի, նման օրենք չկա»,-ասաց նա և բորբոքված հավելեց. «Սրանք՝ էս գոմիկները, այլասերվածությամբ հասել են փինիշ (նկատի ունի ֆինիշ բառը` Tert.am)»:
Վերջինիս խոսքով՝ այգու երեկոյան այցելուների մասին բոլորն էլ գիտեն: «էդ ո՞նց եղավ, որ բնակիչները գիտեն, բողոքում են. քաղմասը, ԿԳԲ-ն , պաշտոնյաները չգիտեն: Իրենք որ ուզեն, կես ժամ ա պետք, որ դրանց սաղին ստեղից հավաքեն տանեն»,-ասաց նա:
Այգուն հարակից շենքերի բնակիչներից ոմանք էլ բողոքում են՝ ասելով, որ պետության գումարներով վարձատրվող ոստիկանները պաշտպանում են միասեռականներին, որպեսզի վերջիններիս չհանդուրժող հայ տղաները նրանց վնաս չտան: «Դրանց փող են տալիս, որ գան գոմիկների՞ն պաշտպանեն, պետությունից փող են ստանում, որ գան սրա՞նց պաշտպանեն, ամոթ չի՞»,-ասաց այգում նարդի խաղացող մեկ այլ քաղաքացի, որը նույնպես հրաժարվեց ներկայանալ` նույն պատճառաբանությամբ:
Այն խոսակցությունները, թե միասեռականներն իշխանական օղակներում «հովանավորներ» ունեն, շրջանառվում են նաև այգու ցերեկային այցելուների շրջանում:
«Սովետական միության տարիներին երեք հատ գոմիկ կար ամբողջ Երևանում, հիմա շատացել են»,-ասաց նրանցից մեկը՝ մտահոգություն հայտնելով, թե երկիրը դարձրել են «խուժան» երկիր:
«Հայ տղու համար դա պազոռ ա, առավոտներն ամբողջ այգին պահպանակ ա, էլ չեմ ասում վարակի ու էլ չգիտեմ ինչի մասին»,-նշեց մեկ այլ քաղաքացի:
Այգու պահակն էլ միանշանակ կարծում է, որ «գոմիկներից» ազատվելու միակ տարբերակն այգին լուսավորելն է: «Որ ստեղ լույս լինի, դրանց տփես էլ, չեն գա ստեղ»,-ասաց նա:
Այդ մտքի հետ, սակայն, համաձայն չէ այգու տնօրենը՝ պատճառաբանելով, որ «գոմիկներն» ուղղակի կփչացնեն լուսամփոփները, կկտրեն լարերը, և դա անիմաստ քայլ կլինի:
| |
|
Մեկնաբանություններն ընդամենը՝: 0 | |