16:42 Մեծերին «գլխից բռնելու» հանձնարարականը կատարվում է, ասում է Տիգրան Սարգսյանը | |
 ԱԺ-ում կառավարության ծրագրի ընդունումից հետո այսօր ՀՀ վարչապետ Տիգրան Սարգսյանից լրագրողները հետաքրքրվեցին, թե ինչ փուլում է մեծերին «գլխից բռնելու»՝ նախագահ Սերժ Սարգսյանի հորդորը, ինչին վարչապետը պատասխանեց՝ ասելով, թե նախագահի հանձնարարականը իրենք կատարել և շարունակելու են կատարել։ «Մեր անկախ պետականության տարիների վերլուծությունը եթե իրականացնենք, ապա կտեսնենք, որ վերջին հինգ տարիներին այդ առումով լրջագույն փոփոխություներ ենք իրականացնում։ Մենք սկսել ենք մեզանից, մեր կուսակցության անդամից, պաշտոն զբաղեցրած մարդուց, եղել են չարաշահումներ և այսօր նա և այլ բարձրաստիճան պաշտոնատար անձինք կալանավորված են և այդ ողջ տեղեկատվությունը հրապարակային է»,-ասաց նա։ Թե ինչպես է գնահատում ընդդիմության հակադարձումները, թե նախորդ կառավարության ծրագիրը ձախողվել է, վարչապետը նշեց, որ իրենք արդեն իսկ ԱԺ-ում տվել են այդ հարցի պատասխանը։ «Մենք տվել ենք մեր գնահատականներն անցած հինգ տարիների, կատարված աշխատանքների վերաբերյալ, մեր սխալները, բացթողումները, մեր ձեռքբերումները, մանրակրկիտ ներկայացրել ենք մեր ժողովրդին, հաշվետվությամբ, հրապարակային և կիսում եմ ձեր այն տեսակետը, որ մեր գնահատականների հետ ընդդիմությունն անհամաձայն էր»,– ասաց նա։ «Դրա համար մենք ստեղծում ենք հնարավորություններ, որ անհամաձայնողների կարծիքը հայտնեք մեզ»,- ընդգծեց նա և ավելացրեց, որ կառավարությունը պատրաստակամ է համագործակցել բոլորի հետ։ Բոլորի հետ, եթե մեր ընդդիմությունը հանդես է գալիս առաջարկներով, իրենց տեսլականներով ապագայի նկատմամբ, ապա մենք պարտավոր ենք այդ տեսլականներից վերցնել այն, ինչը մեր պարտակերացումներով ճիշտ է։ Բայց, եթե մեր ընդդիմությունը հանդես գա այնպիսի ծրագրերով, որոնք միտված են դեպի ապագան, մենք բոլորս կշահենք, որովհետև անձնական վիրավորանքներից բանավեճը կտեղափոխվի կոնստրուկտիվ դաշտ»,- ասաց Տիգրան Սարգսյանը։ | |
|
| |
| Մեկնաբանություններն ընդամենը՝: 0 | |
