<<Կանխենք գազի թանկացումը>> քաղաքացիական նախաձեռնության ակտիվիստներ Սիլվա Ադամյանը, Արամ Գրիգորյանը և Անդրիաս Ղուկասյանը, այսօր հրավիրված մամուլի ասուլիսին ներկայացնելով գազի գնի բարձրացման դեմ ծրագրվող հետագա անելիքները, հայտարարեցին, որ ցանկացած պարագայում իրենք ցուցաբերելու են անհնազանդության դրսևորում։ Սիլվա Ադամյանի խոսքով՝ <<ՀայՌուսգազարդ>> ընկերությունը ինչ որ գործողություններով ուզում են ապացուցել, որ ընկերությունը ուզում է է՛լ ավելի լավ աշխատել։ Մինչդեռ վերազինման կարիքը, առհասարակ, չկա։
Ըստ նրա՝ բացի այն, որ թանկացումների շղթա կսկսվի և մարդիկ շատ վատ վիճակում կհայտնվեն, մտահոգության մյուս ասպեկտը բնապահպանականն է։
Գազի գնի թանկացման դեպքում մենք կունենանք շատ լուրջ բնապահպանական խնդիրներ։ Գյուղերում մարդիկ արդեն սկսել են հրաժարվել գազով ջեռուցումից։ Մեզանից և ոչ մեկը չի կարող բռնել որևէ մեկի ձեռքից և ասել, որ մի կտրի ծառը, էս պարագայում ժողովրդի կեցության խնդիրն է, ասաց նա՝ նշելով, որ պետք է շատ լուրջ մոտեցում ունենանք այդ հարցին։
Քաղաքացիական նախաձեռնության անդամ Անդրիաս Ղուկասյանն էլ հայտարարեց, որ իրենք որոշել են տապալել ՀՀ իշխանությունների գազի թանկացման որոշումն ընդունելու ռազմավարությունը։
Իշխանությունները ներկայացրել էին ծրագիր, որ աղքատությունը պետք է իջնի, այսօր չի իջել, և դրա համար որևէ մեկի՞ն պատժեցին, ոչ, սա նշանակում է, որ սա կառավարության ձևն է, ասաց նա՝ հավելելով, որ իրենց հետագա քայլերը կլինի անհնազանդության դրսևորում, գազի գնի չվճարում և այլն. «Բոլոր տեսակի ընդվզումները մենք նախաձեռնելու ենք։
Նախաձեռնության անդամ Արամ Գրիգորյանի փոխանցմամբ՝ այն, ինչի մասին իրենք խոսել են, գրավոր ձևով ներկայացնելու են Հանրային ծառայությունները կարգավորող հանձնաժողովին։
Վերջինիս խոսքով՝ սակայն արդեն պարզ է, որ հանձնաժողովը պատվեր է իրականացնում։ «Կշարունակեն, 156 դրամ են հայտարարել, և այս կերպ ուզում են թանկացման գործընթացը շարունակել ասաց նա:
Աղբյուրը` http://www.tert.am/am/news/2013/05/25/prevent-gas-tariff-rise/
http://oratert.do.am
|