ԱԺ նախագահ Հովիկ Աբրահամյանը այսօր ԱԺ-ում Կառավարության ծրագիրը ընդունելուց հետո հանդես եկավ կարճ ելույթով և ասաց, որ գրավոր էր նախապատրաստել իր ելույթը, որ կոռեկտ լինի։ Աբրահամյանը կոչ արեց բոլոր քաղաքական ուժերին համախմբվել և միասին պայքարել արտաքին և ներքին մարտահրավերների դեմ։ «Ես բոլոր քաղաքական ուժերին հաշտության, համերաշխության կոչ եմ անում, մանավանդ, որ առանձին հարցերում միակարծիք ենք»,- ասաց նա՝ նկատի ունենալով արցախյան հարցի կարգավորումը, ՀՀ զարգացումը։

Մինչև կառավարության ծրագրի քվեարկությունը, նա նշեց, որ ցանկացած կառավարության ծրագիր այն հիմնական քաղաքական փաստաթղթերից մեկն է, որը ցույց է տալիս ոչ միայն գլոբալ խնդիրները, այլ երկրի զարգացման քաղաքական ուժերի շահագրգռվածությունը։ «Այս դահլիճում երբեմն շահագրգիռ, երբեմն՝ ծայրահեղ գնահատականներ էին։ Սա նշանակում է, որ ԱԺ-ում ներկայացված քաղաքական ուժերն իսկապես շահագրգիռ են Հայաստանը դարձնել ավելի կայուն, ապահով երկիր։ Շնորհակալ եմ պատգամավորներին ակտիվ քննարկումների համար»,- ասաց նա և հայտարարեց, որ ՀՀ իշխանությունները բաց են, առկա խնդիրները լուծելու համար ջանքերը միավորելու համար։

2008թ-ից հետո այսօր ամենանպաստավոր ժամանակն է, իրականացնելու այս ծրագրերը և կասեցնելու արտագաղթը, գործազրկությունը, աղքատությունը։ Համոզված եմ, որ կարող ենք հասնել այս ամենին,- եզրափակեց նա։

Աղբյուրը`http://www.tert.am/am/news/2013/05/23/hovik-abrahamyan/

http://oratert.do.am