10:45 Գնորդներն սկսել են նախընտրել ոչ թե գազով, այլ հոսանքով աշխատող կենցաղային տեխնիկա | |
Գազով և էլեկտրական հոսանքով աշխատող սալօջախների և ջեռոցների իրացման մեջ նկատվում է հոսանքով աշխատողներին նախապատվություն տալու միտում, այս մասին Tert.am-ին ասաց «Զիգզագ» խանութների ցանցի շուկայագետ Դավիթ Հակոբյանը՝ ի պատասխան հարցի, թե գազի սակագնի հնարավոր բարձրացման հետ կապված կա՞ նման միտում: «Քանի որ գազի սակագնի հնարավոր բարձրացման հետ կապված դեռ նոր են խոսակցությունները, տևական ժամանակ չէ, մենք հստակ վերլուծություններ չունենք, բայց, այո, վերջին շրջանում նման տրենդ կա»,- ասաց շուկայագետը՝ նշելով, որ, միգուցե, դա պայմանավորված է նրանով, որ իրենց խանութների ցանցում առկա կենցաղային տեխնիկայի մեջ ավելի մեծ տեսակարար կշիռ ունեն հոսանքով աշխատող ապրանքները: Նա նշեց, որ էլիտար նորակառույց շենքերի բնակիչները, իրենց խոհանոցները կահավորելիս, ևս նախապատվություն են տալիս էլեկտրական գազօջախներին: LG խանութների ցանցից վաճառող Արտակն էլ, նախ ասաց, որ գնորդները գնում են և՛ էլեկտրականությամբ, և՛ հոսանքով աշխատողները, սակայն ի ամփոփում ասաց, որ, այնուամենայնիվ, հոսանքով աշխատողներին ավելի շատ են նախապատվություն տալիս: Երկու խանութներից նշեցին նաև, որ օդորակիչները բնակչության կողմից գնվում են նաև ձմռան շրջանում, ինչից ենթադրվում է, որ նրանց համար այս սարքերն օգտագործվում են ինչպես բնակարանների հովացման, այնպես էլ ջեռուցման նպատակով: | |
|
Մեկնաբանություններն ընդամենը՝: 0 | |