14:30 Գագիկ Բեգլարյանը չի՞ ճանաչում Քոչարյանի խնամուն | |
 Տրանսպորտի և կապի նախարար Գագիկ Բեգլարյանը լրագրողների հետ զրույցում ասաց, որ իրենք դեռ չեն քննարկել հասարակական տրանսպորտի ուղեվարձի փոփոխության հարցը: Նրա խոսքով՝ դա կքննարկեն հանրային ծառայությունները կարգավորող հանձնաժողովի կողմից գազի սակագնի հաստատումից հետո: Գագիկ Բեգլարյանը կարծում է, որ մեծ խելք պետք չէ՝ հասկանալու համար, որ գազի գնի թանկացումը կազդի բոլոր ապրանքների, այդ թվում՝ տրանսպորտի սակագնի վրա: Նրա խոսքերով՝ այնուամենայնիվ, իրենք փորձելու են ուղեվարձի սակագնի նվազագույն թանկացում ապահովել: Ի պատասխան <<Առաջին Լրատվական>>-ի հարցի՝ հնարավոր չէ՞ արդյոք «գծի տերերի» գերշահույթի հաշվին ուղեվարձի թանկացում ընդհանրապես թույլ չտալ, չէ, որ «գծի տերերը» յուրաքանչյուր վարորդից 8-ից 10 հազար դրամ պլան են պահանջում, նախարարն ասաց, որ «գծի տերերը» գերշահույթ չեն ստանում: Միգուցե այդ ամենօյա պլանի գումարը կրճատելու հաշվին հնարավո՞ր է ուղեվարձի բարձրացում թույլ չտալ կամ նվազագույնի հասցնել այն՝ մեր այդ դիտարկման հետ Գագիկ Բեգլարյանը համամիտ չէր՝ ասելով, թե 90-ական թվականների վերջին մենք այդ պլանի գումարն ունեինք, և գազելները համեմատաբար էժան էին: Եվ հիմա, երբ երթուղայինի գիծ շահագործողները 20-ից 30 հազար դոլարով են ներկրում գազելները, գերշահույթ չեն կարող ստանալ: Գագիկ Բեգլարյանը չպատասխանեց նաև հարցին, թե այնուամենայնիվ՝ ե՞րբ է հասարակական տրանսպորտի ուղեվարձը թանկանալու՝ ամռա՞նը, թե՞ աշնանը: Ի դեպ՝ լրագրողները Գագիկ Բեգլարյանից հարցրեցին, թե կառավարության՝ այս օրերին քննարկվող ծրագրում արտագաղթը խթանող դրույթներ տեսել է, նա պատասխանեց. «Ես չեմ տեսել, դուք տեսե՞լ եք»: Լրագրողները նրան տեղեկացրեցին, որ ՀՀԿ խմբակցության պատգամավոր Վլադիմիր Բադալյանը նկատել է՝ «Վլադիմիր Բադալյանն ո՞վ է»,-հարցրեց Գագիկ Բեգլարյանը՝ լրագրողները հիշեցրեցին, որ Վ. Բադալյանը Ռոբերտ Քոչարյանի խնամին է: Լրագրողները միաժամանակ հարցրեցին թե նա չի՞ ճանաչում նախկին նախագահի խնամուն. «Չէ ճանաչում եմ, պարզապես շփոթեցի մեկ ուրիշի հետ»: Աղբյուրը`http://www.1in.am/arm/armenia_politics_185703.html http://oratert.do.am | |
|
| |
| Մեկնաբանություններն ընդամենը՝: 0 | |
