ՀՅԴ պատգամավոր Արծվիկ Մինասյանը, քանի որ չկարողացավ ԱԺ նիստին պատասխանել Գալուստ Սահակյանի իրեն ուղղված ռեպլիկին, ուստի դա արեց այսօր՝ ԱԺ ճեպազրույցների ժամանակ։ «Նախ՝ ես ոչ թե խնդրեցի իշխանությանը, որ հրաժարական տա, այլ պահանջեցի, և հետո իմ պահանջը քո շուլուխին վնաս չի»,- Գալուստ Գրիգորիչին իր խոսքն ուղղեց նա։
Իսկ երբ ԱԺ «Հանրապետական» խմբակցության ղեկավարը անդրադարձել էր ՀՅԴ-ական Վահան Հովհաննիսյանին, որ եթե երկրի նախագահը չկանգնի նախարարների կողքին, ապա նրանց դալաններում կծեծեն ու նրանք ընտրություններում ձայն չեն կարող՝ նշելով. «Բա հլա դուք ի՞նչ կանեիք, որ ինքը չըլներ, ես գոնե բոլոր տիպի կապերին տիրապետում եմ», Արծվիկ Մինասյանը նախ նշեց, որ Վահան Հովհաննիսյանի խոսքերը չպետք է ընդունել որպես բռնություն ու ուժ կիրառելու կոչ, այլ որ եթե նախարարները չունենան վարչական լծակներ, նրանց ձայն տվողները չափազանց քիչ կլինեն։
Ի դեպ, Արծվիկ Մինասյանը նշեց, որ երբ Վահան Հովհաննիսյանի հայտարարությունից հետո ԱԺ շենքից դուրս եկող դալանում տեսել էր Արմեն Աշոտյանին, Հրայր Թովմասյանին և Դավիթ Սարգսյանին, առիթը բաց չէր թողել կատակելու. «Հարցրեցի, թե երեկվա հայտարարությունից հետո որոշել եք այլևս մենակ դալան չմտնե՞ք։
Հարցին, թե ի վերջո, ե՞րբ են տղերքն (Վահան Հովհաննիսյանի արտահայտությունը՝ տղերք կարտագաղթեք) արտագաղթելու, Արծվիկ Մինասյանը պատասխանեց, թե իրենք իրականում չեն ուզում ոչ ոք արտագաղթի՝ նույնիսկ իշխանությունը։
Աղբյուրը`http://www.tert.am/am/news/2013/05/24/arcvikminasyan-galustsahakyan/
http://oratert.do.am
|