ՀՀ 2012թ. պետական բյուջեի կատարման մասին» տարեկան հաշվետվության Պաշտպանության ոլորտի քննարկումը սահմանված կարգի համաձայն անցկացվեց դռնփակ։ Սակայն Պաշտպանության նախարար Սեյրան Օհանյանը, մինչև նիստը խոսելով լրագրողների հետ, նշեց, որ պետական բյուջեով իրենց ոլորտին հատկացված միջոցները պետության հնարավորությունների չափով են։ 

«Հայաստանի Հանրապետության պետական բյուջեից հատկացումներն իրականացվում են մեր պետության, մեր ժողովրդի հնարավորության սահմաններում: Այդ հատկացումների շրջանակում մենք պլանավորում ենք իրականացնում և կապիտալ ներդումների, և ընթացիկ ծախսերի իրականցման համար: Իհարկե, յուրաքանչյուր պաշտպանական գերատեսչության համար լավ կլիներ, որ այդ հատկացումները ավելի շատ լինեին՝ մանավանդ այն իրականության մեջ, երբ մենք ունենք այնպիսի հակառակորդ, որը բավականին լուրջ միջոցներ է հատկացնում ռազմական ծախսերի համար»,-ասաց նա:

Միաժամանակ նախարարը նշեց, որ իրենք կապիտալ ներդրումների ծրագրերի իրականացման շրջանակներում փորձում են նաև այլ միջոցներ գտնել, որպեսզի հետ չմնան ժամանակակից սպառազինության և ռազմական տեխնիկայի ձեռքբերման շրջանակներից:

«Գիտենք , որ ՀԱՊԿ-ի անդամներին բավականին դյուրին ընթացակարգ է նախատեսված, և մենք ավելի էժան գներով ենք կարողանում համապատասխան միջոցներ ձեռք բերել: Մենք ունենք ռազմավարական գործընկերներ, որոնք մեզ աջակցում են, որպեսզի ռազմատեխնիկական խնդիրները մեզ մոտ ավելի բարձր մակարդակի վրա գտնվեն: Այսօրվա մեր հնարավորության սահմաններում հատկացված միջոցները բավարարում են զինված ուժերին, մանավանդ որ կա միջազգային փորձ և այդ միջազգային փորձի համաձայն ՀՆԱ-ի 3,5 տոկոս միջոցներն են նախատեսվում ռազմական ծախսերի համար»,-ասաց նա:
 
Աղբյուրը`http://www.tert.am/am/news/2013/05/29/seyran-ohanyan1/


http://oratert.do.am