15:22 Բիլդերբերգ 2013 գաղտնի համաժողով | |
Մեծ Բրիտանիայի Ուոթֆորդ քաղաքի շքեղ Grove Hotel հյուրանոցի մուտքի առաջ մեկը մյուսի հետևից կանգնում են մգեցված ապակիներով շքեղ մեքենաներ, որոնցում գտնվում են Արևմուտքի ամենաազդեցիկ, հարուստ գործարարներն ու քաղաքական գործիչները։ Նման արտառոց հավաքի պատճառը «Բիլդերբերգ 2013»-ի (Bilderberg-2013) գաղտնի համաժողովն է։ Այս միջոցառումը գրավել է բրիտանական մի շարք պարբերականների ուշադրությունը, որոնց շարքից Daily Mail-ն այն բնորոշում է իրբև «առեղծվածային հավաք»։ Ընդհանուր առմամբ համաժողովին մասնակցում է 130 մարդ, ովքեր ամենաազդեցիկ դիրքերն են զբաղեցնում ամենատարբեր բնագավառներում։ Պարբերականի ունեցած տվյալներով՝ այս տարվա առեղծվածային հավաքին մասնակցում են Մեծ Բրիտանիայի ֆինանսների նախարար Ջորջ Օսբորնը, թագավորական ընտանիքի մի քանի ներկայացուցիչ, Արժույթի միջազգային հիմնադրամի ղեկավար Քրիստին Լագարդը, Google և Amazon ընկերությունների գործադիր տնօրենները, ՄԱԿ-ի, Համաշխարհային բանկի, Առևտրի համաշխարհային կազմակերպության, Եվրոպական Միության բարձրաստիճան ներկայացուցիչներ, ԱՄՆ-ի և Կանադայի ազդեցիկ քաղաքական գործիչներ։ Բիլդերբերգի համաժողովի մասին քիչ բան է հայտնի, սակայն անհերքելի փաստ է, որ այն միշտ անցկացվել է խորհրդավորության պայմաններում։ Այս տարի այն անցկացվում է Մեծ Բրիտանիայում, ինչն արվում է 1998թ. ի վեր առաջին անգամ։ Շատերը կարծում են, որ հենց այս խորհրդավոր հավաքի ժամանակ են առաջնորդները որոշում կապիտալիստական աշխարհի ապագան։ Այս տարվա հավաքը կտևի 4 օր՝ ոստիկանության աչալուրջ հսկողության ներքո։ Միջոցառման կապակցությամբ Ուոթֆորդում բազմաթիվ բողոքի ցույցեր են կազմակերպվել։ Տեղի բնակիչներին հունից հանել է այն փաստը, որ համաժողովի մասնակիցների անվտանգությունն ապահովելու համար հարկավոր կլինի վճարել 2 մլն ֆունտ ստեռլինգ, ինչը, նրանք վստահ են, արվելու է իրենց իսկ գրպանից։ Daily Mial-ի բնորոշմամբ՝ Ուոթֆորդում են հավաքվել արևմտյան կապիտալիզմի ղեկավարման համակարգում գերիշխող դիրքեր զբաղեցնող անձինք։ Մեծ Բրիտանիայի խորհրդարանի պատգավար, Լեյբորիստական կուսակցության անդամ Մայքլ Միչերը Բիլդերբերգի համաժողովի կապակցությամբ ասել է, որ այդ բոլոր 130 ազդեցիկ ու աներևակայելի հարուստ մարդկանց մեկ վայրում հավաքելու նպատակն ամենևին էլ սովորական զրույցը չէ, այլ կապիտալիզմի վերաբերյալ ապագա անելիքների քննարկումը։ Աղբյուրը`http://www.tert.am/am/news/2013/06/07/bilderberg-secret-conference/ http://oratert.do.am | |
|
Մեկնաբանություններն ընդամենը՝: 0 | |