Սիրիայի նախագահ Բաշար Ասադը կիրակի օրը շնորհավորական հեռագիր է ուղարկել Իրանի նորընտիր նախագահ Հասան Ռոուհանիին, հաղորդում է Риа Новости-ն՝ հղում կատարելով ՍԱՆԱ գործակալությանը:

Հաղորդագրության մեջ նշվում է, որ Ասադը Սիրիայի ժողովրդի անունից հաստատել է բոլոր ոլորտներում Սիրիայի և Իրանի միջև երկկողմ հարաբերությունների զարգացման և ամրապնդման ձգտումը՝ առաջին հերթին թշնամիներին դիմակայելու համար, որոնք ոտնձգություններ են կատարում տարածաշրջանի ժողովուրդների ինքնիշխանության դեմ և հույս հայտնել, որ նման համագործակցությունը դրական կանդրադառնա 2 երկրների ժողովուրդների, ինչպես նաև տարածաշրջանի մյուս պետությունների և ամբողջ աշխարհի վրա:

Հիշեցնենք, որ հունիսի 14-ին կայացած Իրանի նախագահական ընտրություններում հաղթանակ էր տարել Հասան Ռոուհանին՝ ստանալով մոտ 18 միլիոն քվե:

Աղբյուրը` http://www.tert.am/am/news/2013/06/16/asad-iran/

                                                                                        http://oratert.do.am