Թուրքիայի մայրաքաղաք Անկարայում հրազենային հարձակման հետևանքով սպանվել է Չեչնիայի Հանրապետության հյուպատոս Մեդեթ Ունլյուն, տեղեկացնում «Հուրրիյեթ»-ը։

Ոստիկանությունն արդեն պարզել է, որ հարձակումն իրականացնողները երկուսն են եղել։ Նրանցից մեկը սպասել է մեքենայում, իսկ մյուսը խլացուցիչ ատրճանակով սպանել է հյուպատոսին։

Շենքի մոտ, որտեղ տեղի է ունեցել սպանությունը, անվտանգության տեսախցիկներ կան, որոնց միջոցով ոստիկանությունը փնտրում է հանցագործներին։

Միջադեպը տեղի է ունեցել երեկ երեկոյան։ Ըստ նախնական վարկածի՝ երկու անհայտ անձինք հյուպատոսի դռան զանգն են տվել այն պահին, երբ նա պատրաստվել է նամազ անել։ Դուռը բացելուց հետո հանցագործները մի քանի անգամ կրակել են նրա ուղղությամբ և փախուստի դիմել։

Ավելի ուշ հարազատներն անհանգստացել են, քանի որ նա չի պատասխանել հեռախոսազանգերին և դիմել են ոստիկանությանն ու շտապօգնության աշխատակիցներին։ Վերջիններս, սակայն, գտել են հյուպատոսի անկենդան մարմինը։
 
Աղբյուրը`http://www.tert.am/am/news/2013/05/23/unlu/ 

http://oratert.do.am