00:28 ԱՄՆ-ի կողմից զենքի մատակարարումը կնպաստի Սիրիայում հակամարտության սրմանը. Լավրով | |
ՌԴ արտգործնախարար Սերգեյ Լավրովը իր ամերիկացի գործընկեր Ջոն Քերիի հետ հանդիպման ժամանակ հայտարարել է, որ Սիրիային զենք մատակարարելու վերաբերյալ ԱՄՆ-ի մտադրությունը հղի է երկրում իրավիճակը սրելու վտանգով, իսկ քիմիական զենքի կիրառման մեղադրանքները հիմնավորված չեն: Այս մասին տեղեկացնում է РИА Новости-ն՝ Արտգործնախարարության կայքին հղումով:
«Սիրիայում իրավիճակը դիտարկվել է Վաշինգտոնի կողմից հնչած՝ Սիրիայի ընդդիմությանը ռազմական օգնություն ցույց տալու մասին հայտարարության ենթատեքստում: Սերգեյ Լավրովն ընդգծել է, որ նմանօրինակ քայլը հղի է տարածաշրջանում լարվածության սրման վտանգով այն պարագայում, երբ ԱՄՆ-ի կողմից Դամասկոսին ուղղված մեղադրանքները քիմիական զենք կիրառելու շուրջ հիմնավորված չեն փաստերով», - ասվում է պաշտոնական հաղորդագրության մեջ:
Հիշեցնենք, որ ԱՄՆ-ի իշխանությունները հինգշաբթի առաջին անգամ բաց տեքստով հայտարարել էին, որ պատրաստվում են սիրիացի ապստամբներին զենք տրամադրել: Որպես այս քայլի հիմնավորում Վաշինգտոնը փաստարկներ է բերել այն մասին, որ Սիրիայի զորքերը ապստամբների դեմ քիմիական զենք են կիրառել: Սիրիայի իշխանությունները ԱՄՆ-ի հայտարարությունը քիմիական զենք կիրառելու մասին կեղծ են անվանել: | |
|
| |
| Մեկնաբանություններն ընդամենը՝: 0 | |
