13:25 Թուրքական խոշորագույն արհմիություններից մեկը գործադուլ է հայտարարել | |
Թուրքիայի խոշորագույն արհմիություններից մեկը միացել է հակակառավարական ակցիաներին, որոնք շարունակվում են երկրի խոշոր քաղաքներում, և երկօրյա գործադուլ է հայտարարել, տեղեկացնում է BBC-ի ռուսական ծառայությունը։
Պետական ահաբեկչությունն ընդդեմ խաղաղ ցուցարարների շարունակվում է, և խաղաղ բնակիչների կյանքին վտանգ է սպառնում,-իրենց կայքում տեղեկացրել են արհմիության ղեկավարները։
Նրանց կարծիքով՝ ցուցարարների դեմ ոստիկանության կողմից ուժի կիրառումը ցույց տվեց, որ երկրի ղեկավարությունն իսլամիստական կուսակցությունից է և թշնամաբար է տրամադրված ժողովրդավարությանը։
Արհմիության կազմում 240.000 աշխատակից է ընդգրկված. ուսուցիչներ, համալսարանի դասախոսներ, իշխանական հաստատությունների աշխատակիցներ։
Թուրքիայիում բախումները շարունակվում են նաև այժմ։ Անկարգությունների ընթացքում արդեն զոհվել է երկու մարդ, չնայած նրանց մահվան հանգամանքները դեռ ճշտված չեն։ | |
|
Մեկնաբանություններն ընդամենը՝: 0 | |