ԵԱՀԿ գործող նախագահ Ուկրաինայի արտգործնախարար Լեոնիդ Կոժարան այսօր ընդունել է ԵԱՀԿ Մինսկի խմբի համանախագահներ ՌԴ դեսպան Իգոր Պոպովին, Ֆրանսիայի դեսպան Ժակ Ֆորին, ԱՄՆ դեսպան Իան Քելիին, ինչպես նաև ԵԱՀԿ գործող նախագահի՝ ԵԱՀԿ Մինսկի համաժողովում հակամարտության քննարկման ժամանակ հատուկ ներկայացուցիչ դեսպան Անդրեյ Կասպրչիկին: Այս մասին գրում է osce.org-ը:

Հանդիպման ժամանակ քննարկումներ են տեղի ունեցել ԼՂ հակամարտության կարգավորման հարցի շուրջ: ԵԱՀԿ Մինսկի խմբի համանախագահները ԵԱՀԿ նախագահին ներկայացրել են հակամարտության կարգավորման հիմնական նախապայմանների շուրջ բանակցությունների ներկա ընթացքը, ինչպես նաև Հայաստանի և Ադրբեջանի ԱԳ նախարարների հետ վերջին հանդիպումների արդյունքերը:

Նրանք նաև տեսակետներ են փոխանակել ԵԱՀԿ նախագահի Ադրբեջան և Հայաստան կատարելիք այցերի ժամանացույցի վերաբերյալ՝ հաշվի առնելով, որ Ուկրաինան՝ որպես ԵԱՀԿ նախագահող երկիր, ակնկալում է բարձր մակարդակի քննարկումների արդյունքում արդյունավետ հանդիպում անցկացնել:

ԵԱՀԿ նախագահը վերահաստատել է նաև Ուկրաինայի պատրաստակամությունը՝ աջակցելու ԼՂ հակամարտության խաղաղ կարգավորման հարցին: 
 
Աղբյուրը` http://www.tert.am/am/news/2013/06/15/osce-nkconflict/
                                                                                          http://oratert.do.am